साबिकको हाँसपोसा गाविस, हाल इटहरी स्थायी घर भई हाल युकेमा रहेका कवि एवम् लेखक रुद्र अधिकारी उर्फ निर्दोषीको पहिलो लघु कथा सङ्ग्रह “तेस्रो आँखा” बजारमा चाडैं आउदैछ ।
मेरो पहिलो लघुकथासङ्ग्रह “तेस्रो आँखा” चाडैं आउदैछ, हाल युकेमा रहेका लेखक निर्दोषी रुद्धले आफ्नो फेशबुकमा लेख्दै जानकारी गराएका छन् ।
उनले लघु कथा सङ्ग्रह “तेस्रो आँखा”को चित्र आवारण समेत पोस्ट गरेका छन् । नेपालसहित विश्वभरबाट उनका शुभचिन्तकले बद्याई एवम् शुभकामना समेत दिईरहेका छन् ।
तरहराको कम्प्युटर शिक्षा क्षेत्रमा नयाँ आयाम थपेका इतिहास भएका र सामाजिक रुपमा जिम्मेवार युवाका परिचय बनाएका रुद्रको लेख रचना यसअघि विभिन्न पत्रिपत्रिका तथा अनलाईनमा प्रकाशन भईसकेका छन् । उनले विभिन्न सामाजिक संघसंस्थामा सफल नेतृत्व समेत गरेका छन् । तरहरामा पुस्तकालय स्थापना गर्ने संस्थापक मध्येका उनी एक हुन् । हाल पनि आफ्नो गाँऊको लागि आर्थिक, भौतिक एवम् आवश्यक र आफ्नो क्षमताले भ्याएका सम्पूर्ण सहयोग गर्न तयार रहेको, सोल्टी टिभीसँग अनलाईन कुराकानी गर्दै उनले बताए ।
