अल्टिट्युड रनिङ कप फुटवल प्रतियोगिता
जेम्स । इटहरी १९ ब्रहमपुर
गत शुक्रबारदेखि शुरु प्रथम अल्टिट्युड रनिङ कप फुटवल प्रतियोगिताको सोमबार भएको चौथो प्रि क्वाटर फाईनलमा एपिएफले पानबारी फुटबल क्लवलाई १-० ले पराजित गर्दै प्रथम अल्टिच्युड रनिङ कप फुटवल प्रतियोगिताको क्वाटर फाईनलमा प्रवेश गरेको छ ।
खेल संयोजक मनोज तामाङ्गका अनुसार, दोश्रो हाफको १५औँ मिनेटमा एपिएफका १८ नम्बर जर्सीका धनबहादुर श्रेष्ठले गोल गर्दै एपिएफले प्रतियोगिताको क्वाटर फाईनलको यात्रा निश्चित गरेको हो ।
एपिएफका गोलरक्षक सुजन बिश्वकर्माले रेडकार्ड पाएपछि उनी आउट भएका थिए र एपिएफका तर्फबाट १०जना खेलाडी मात्र खेलेका थिए । विश्वकर्माको ठाँऊमा एपिएफका जर्सी नम्बर १० का ईश्वर थापाले गोलरक्षक रुपमा आए । दुबै टिमबाट गोल गर्ने प्रयासहरु भए पनि मध्यान्तरसम्म पनि प्रयासहरु सफल हुन सकेन् । त्यसपछि, मध्यान्तरपछि १५औँ मिनेटमा एपिएफका १८ नम्बर जर्सीका धनबहादुर श्रेष्ठले गोल गरेका थिए । खेलको म्यान अफ द म्याच पनि उनैले पाए । नगद २५ सय रुपैयाँ र ट्रफी उनलाई एपिएफ कोसी प्रदेशका डिआईजी अञ्जनी कुमार पोख्रेल र नेकपा एमालेका केन्द्रिय सदस्य खगेन्द्र राईले हस्तान्तरण गरे ।
मंगलबारको पाँचौ प्रि क्वाटरफाईनल खेल चित्लाङ्ग फुटबल क्लव काठमाण्डौ र सप्तकोशी फुटबल क्लव बराहक्षेत्रबिच हुनेछ ।
तस्वीर सौंजन्यः त्रिलोचन पौडेल । सम्पादक, पूर्वीखबर डट कम
