प्रतियोगितामा मेयर साब, वडा नं. २० का वडा अध्यक्ष र सदस्य साथीहरुले निम्तोलाई स्वीकार गरेर आईदिनुभएका भए हामी उहाँहरु प्रति कृतज्ञ रहन्थ्यो । विडम्वना, आउनु भएन् । दुखी छौं ।
जेम्स । इटहरी १९ ब्रहमपुर
शुक्रबारदेखि शुरु प्रथम अल्टिट्युड रनिङ कप फुटवल प्रतियोगिताको दोस्रोा दिन आज (शनिबार) भएको रोमाञ्चक खेलमा आर एफ सि काठमाडौले आरआईएफसीले बिएम एकेडेमी बेलबारी मोरङ्गलाई २–१ले हराउदै दोस्रो चरणमा प्रवेश गरेको छ ।
इटहरी १९ र १७ को ब्रमहपुर सामुदायिक वन उपभोक्ता समुहको खेल मैदानमा भईरहेको प्रतियोगितामा काठमाडौको लागि जर्सी नम्बर ११ का सौय राउत र जर्सी नम्बर २ का आमोस लिम्बुले गोल गरेका थिए । दुई गोल खाएर निराश बि एम फुलटबल क्लबलाई सान्त्वना गोल गर्दै क्लबका क्याप्टेन समेत रहेका आदित्य तामाङले दिएका थिए ।
खेल संयोजक मनोज तामाङ्गका अनुसार, आजको रोमाञ्चक खेलमा मध्यान्तरअघि आरआईएफसी काठमाण्डौको तर्फबाट जर्सी नम्बर ११का सौर्य रावतले १९औँ मिनेटमा गोल गर्दै खेललाई रोमाञ्चित बनाएका थिए । त्यसपछि अग्रता लिएका क्लबले मध्यान्तरपछिको १२औँ मिनेटमा जर्सी नम्बर २का आमोस लिम्बुले गोल गर्दै खेललाई २–०को अग्रता दिलाए र विपक्षीलाई आछुआछु पारे ।
सान्तवना गोल भने खेलेको २९औँ मिनेटमा बेलबारीको तर्फबाट जर्सी नम्बर ७ का आदित्य तामाङ्गले गरे जो क्लबका क्याप्टेन हुन् ।
गोल अन्तर २–१ बनाएपछि जोशीए पनि बेलबारीले आरआईएफसी काठमाण्डौलाई बराबरीमा रोक्न सकेनन् ।
आयोजक क्लबका उपाध्यक्ष सुन्दर मणी राईले दिएको जानकारी अनुसार, आर एफ सि काठमाडौका जर्सी नम्बर २७ का आशिष् राई आजको म्यान अफ दि म्याच भए ।
उनका अनुसार, राईलाई इटहरी १९ का वडाध्यक्ष श्रीनारायण चौधरीले नगद रु २५सय र ट्रफी पुरुस्कार दिए ।
आईतबार तालतलैया फुटबल क्लव इटहरी र चित्लाङ फुटबल क्लव काठमाण्डौबिच अर्को भिडन्त हुनेछ ।
मेयर र वडा नं. २० का जनप्रतिनिधी नआउदाँ क्लब दुःखी
सुत्रका अनुसार, कोशी प्रदेशका प्रदेश प्रमुख माननीय प्रशुराम खापुङ्गको प्रमुख आतिथ्यमा भएको समुद्घाटनमा प्रदेश १, हालः कोशी प्रदेश, का पूर्व मुख्यमन्त्री राजेन्द्रकुमार राई, अन्य विशिष्ट अतिथीहरु, वडाका जनप्रतिनिधी लगायतका अतिथिहरुको उपस्थीति रहे पनि औपचारिक निम्तो दिएका इटहरी उपमहानगरपालिकाका नगर प्रमुख हेमकर्ण पौडेल र वडा नं. २० का वडा अध्यक्ष र सदस्यहरु (जनप्रतिनिधि) समुद्घाटनमा नआईदिएपछि क्लबले चित्त दुखाएको छ ।
वडा नं. १९ को खेल मैदानमा भए पनि यो इटहरीकै दोश्रो ठुलो धनराशीको पुरस्कार रहेको यो फुटबल प्रतियोगिता वडा नं. २० का लागि पनि शान भएको दाबी गर्दै क्लबका एक सदस्यले दुख व्यक्त गरे, खेलमा वडा नं. २० तरहराको समेत प्रत्यक्ष /अप्रत्यक्ष सहभागिता छ । वडा नं. २०सँग भावनात्मक रुपमा मन समेत जोडिएको छ ।
यो प्रतियोगिता वडा नं. १९ मा नै भए पनि यसको आयोजक, लिट्रल्ली, वडा नं. २०का युवाहरु पनि हुन् । यत्रो ठुलो धनराशीको फुटबल प्रतियोगितामा मेयर साब, वडा नं. २० का वडा अध्यक्ष र सदस्य साथीहरुले निम्तोलाई स्वीकार गरेर आईदिनुभएका भए हामी उहाँहरु प्रति कृतज्ञ रहन्थ्यो । विडम्वना, आउनु भएन् । दुखी छौं ।
क्लबका उपाध्यक्ष सुन्दर मणी राईले भने मेयर, वडा नं. २० का वडा अध्यक्ष र वडा सदस्यहरु समय व्यस्तताले नआएको हुन् सक्ने बताउदै खेलको समापनसम्ममा आउन सक्ने विश्वास व्यक्त गरे ।
आईतबारको खेल आईतबार तालतलैया फुटबल क्लव इटहरी र चित्लाङ फुटबल क्लव काठमाण्डौबिच हुनेछ ।
