लिलामे माइला निर्माण पक्ष र सेन्सर बोर्डबिच चर्को विवाद
तरहरा (इटहरी) । लिलामे माईलालाई आफ्नो संवादमा प्रयोग एक भाषाको कारण सेन्सर बोर्डको तनावमा परेका चलचित्र निर्देशक एवम् निमार्ता भिम लामाले आफ्नो चलचित्रलाई मौलिक कथामा बुनेको दाबी गर्दै गाँऊघरको चलनी भाषा प्रयोग हुदाँ सेन्सरले दुःख दिएकोमा चर्को असन्तुष्टी पोखेका छन् ।
चलचित्र लिलामे माइलाको टेलर सार्वजनिक गर्दै लामाले सेन्सर बोर्ड र निर्माण पक्षबिच चर्को विवाद भएको समेत सुनाए ।
लिलामे माइला सामाजिक कथा वस्तुमा आधारित रहेर बनाईएको उनको दाबी छ ।
चलचित्रमा प्रेम, कमेडी, द्धन्द र विशेषगरिः साँस्कृति र संस्कार सम्बन्धी मुद्धा रहेको, लामाको कथन छ ।
चलचित्रले युनिभर्सल (यु) सर्टिफिकेट पाएको छ ।
चलचित्रले धरानबाट आफ्नो प्रिमियर गर्ने र विश्वभर प्रर्दशन गरिने निर्माण पक्षले जानकारी दिएका छन् ।
दिलु सुब्बा र भिम लामा निर्माता, दामोदर सापकोटा कार्यकारी निर्माता र कमला राई सह निर्माता रहेको लिलामे माइलामा चन्दा लिम्बु, दामोदर सापकोटा, रोशन विसि, सुर्य लिम्बु, कमान्सिङ राई, मान्सिङ तामाङ, सुजेन्द्र तामाङ, मङलसिङ तामाङ, प्रेमिका लामा, दिलु सुब्बा, जानुका श्रेष्ठ, गङ्गा कुवर, मुकुन्द बस्नेत, साजन लिम्बू, उदय सुब्बा, कृष्ण कला लिम्बू, कहरसिङ मगर, टि एस योन्जन, राजेन्द्र तामाङ, दुर्गा प्रसाद कडरिया, राम लाल तामाङ, तारा नन्द लिम्बू, बिजय चेम्जोङ, कृष्ण कुमारी लिम्बू, बुद्धि मान तामाङ, मिलन तामाङ भोटे डन, खेमराज धमला आदि कलाकार रहेको र आफ्नो समेत भूमिका रहेको निर्देशक लामाले सोल्टी टिभीलाई जानकारी गराए ।
यसअघि महानायक राजेश हमाल जस्ता प्रसिद्ध कलाकारहरुलाई लिएर माटो नामक ऐतिहासिक लिम्बुवान भूमि बारे चलचित्र निमार्ण गरेको दाबी गर्ने लामा पूर्वमा निरन्तर चलचित्र निमार्ण एवम् निर्देशक गर्ने एकला निमार्णकर्ता हुन् । उनले भिम लामा फिलिमस् ब्यानरमा चलचित्र निमार्ण गर्छन् । म्युजिक भिडियो समेत उनले निर्देशन, निमार्ण गर्ने गरेका छन् । उनी सफल कलाकार समेत हुन् । बेलाबेला म्युजिक भिडियोमा आफै पनि अभिनय गर्छन् ।
