नवीन गुरूङ । इटहरी
नेपालको ऐतिहासिक परिवर्तनमा आदिवासी जनजाति आन्दोलनले देशभित्र महत्वपूर्ण हिसा ओगटेको दाबी इटहरी उपमहानगरपालिका नगर प्रमुख (मेयर) हेमकर्ण पौडेले बताएका छन् । २९ औ विश्व आदिवासी दिवसको अवसरमा नेपाल आदिवासी जनजाति महासंघ उपमहानगरपालिका समन्वय परिर्षद् इटहरीले बुधबार, इटहरीमा गरको विशाल कार्यक्रममा मेयर पौडेल यो दाबी गरेका हुन् ।
“पछिल्लोकालमा नेपालमा ४६ सालको ऐतिहासिक परिवर्तनपछि विश्व आदिवासी आन्दोलन र नेपालको आदिवासी जनजातिको आन्दोलन अधिकारको आन्दोलनको रुपमा स्थापित हुदैहुदै एउटा कठिन संर्घषपछि आदिवासी जनजाति आन्दोलनले देशभित्र एउटा महत्वपूर्ण हिसा, यो मुलुकको संविधानभित्र पनि ओगटेको छ ।”, मेयर पौडेलको दाबी थियो, “ निक्कै महत्वपूर्ण कुराहरुका निम्ति यो देशका सरकार आदिवासी जनजातिले झुकिसकेका छन्, झुक्नु पर्छ ।”
मेयर पौडेलले राजनीतिक परिवर्तनमा आदिवासी जनजातिको भूमिका र योगदानको स्मरण गर्दै उनीहरु राजनीतिक व्यवस्थाका लागि आन्दोलित भएको र सो आन्दोलनको पक्षमा आफु समेत रहेको बताए ।
उनको प्रश्न गरे, देशको कुन त्यस्तो राजनीतिक आन्दोलन छ जसमा आदिवासी जनजातिको छोरोको रगत नपोखि सफल भयो ?
कुन चै राजनीतिक आन्दोलनको उपलब्धी आदिवासी जनजातिको रगत बिना सफल भएको छ ? मेयर पौडेलले प्रश्न गर्दै आदिवासी जनजातिलाई अधिकार दिनका लागि राज्यले फेरि आन्दोलन गर्ने स्थीति पार्न नहुने जिकिर समेत गरे ।
संसारभरिका आदिवासी जनजातीलाई आर्थिक, सामाजिक, साँस्कृति, राजनीतिक, शैक्षिक र भौतिक प्रकोपबाट बचाउन, आदिवासी जनजातिको भाषा, कला, साहित्य सँस्कृतिको रक्षा गर्न, संस्थागत विकास गर्न र जर्गेना र प्रवद्धन गर्न, लोप हुन नदिन आदिवासी दिवस मनाईएको भन्ने आफ्नो विश्वास रहेको, मेयर पौडेलको भनाई थियो ।
