हेमकर्णको चर्चा र प्रशंसा भईरहदाँ कोही आतिनु, डराउनु वा जल्न जरुरी पनि छैन् न नै नगर प्रमुखको जिम्मेवारी निभाईरहेका यिनी फुर्किनु पनि पर्दैन् ।
हेमकर्ण पौडेल अहिले इटहरी उपमहानगरपालिकाका नगर प्रमुख हुन्, सबैको साझा । यसकारण, यिनले सबैका सुन्छन् र सबैलाई सुन्नै पनि पर्छन् ।
कतिपय राजनीतिक पूर्वाग्रही भई त, कतिपय चै उपमहानगरपालिका जादा कुन चै आफ्नो काम नभएको झ्वाकमा झट्ट रिसाउने केटाकेटी बानीले नगर प्रमुख प्रति अराजक टिकाटिप्पणी गरिरहन्छन् । फेशबुकमा लेख्नै मात्र त हो । आखिरी लेख्दाँ पैसा पर्दैन र लेख्दैमा केही जादैन पनि…! अनि, जे पायो त्यहीँ कमेन्ट ठोक्दाँ के नै जान्छ र ? तर, यसो होईन, यसो गर्नु हुन्न । किनकी, यो गलत हो ।
नगर प्रमुख हेमकर्ण मात्र साझा होईन, स्थानीत तह सदस्य निर्वाचन (आम चुनाव) पछि हामी पनि सबै साझा हौं भलै राजनीतिक आस्था र विचारहरु फरक होलान् ।
यो बेला, झन यो संक्रमणकालिन अवस्थामा त, हामीले हाम्रौ नेतृत्वलाई सहयोग र साथ दिएर इटहरीलाई फड्कोः अग्रगामी प्रगतिशील परिवर्तन गराउन जरुरी छ । नेतृत्वलाई असफल बनाउदाँ हामी आफैं पनि असफल हुन्छौं भन्ने ख्याल हामीले राख्नुपर्दछ । यो चेत सबैमा हुन जरुरी छ ।
तुलनात्मक रुपमा नगर प्रमुख हेमकर्ण पौडेल अघिल्लाभन्दा सहज र राजनीतिक, सामाजिक, आर्थिक र फड्को सुझबुझ भएका छन् । युवा हुन् । गर्दैछन्, धेरै गर्नेवला छन् । यसर्थ, यिनलाई साथ, सहयोग र हाम्रौं एक्यबद्धता चाहिन्छ ।
गलत विषयमा आलोचन, विरोध र कानुन र संविधानतः प्राप्त क्रियाकलाप गर्न कसैलाई रोक हुन्न । किन्तु, यिनलाई खुईल्याउने नाऊँमा हामी फड्कोः अग्रगामी प्रगतिशील परिवर्तनको बाधक नबनौं । समस्या भए यिनलाई, यिनको सचिवालय वा, उपमहानगरपालिकाको संयन्त्रलाई जानकारी गराऊ, आफैं उपस्थीत भई आफ्ना कामहरु गरौं । खाली फेशबुकमा लेख्ने मात्र काम नगरौं । यसले कसैको भलो गर्दैन् । किनकी, नेतृत्व सफल रहे, इटहरीले फड्को मार्छ । इटहरी बनाउनकै लागि हामीले नेतृत्वलाई, नगर प्रमुख हेमकर्ण पौडेललाई सहयोग गर्ने हो ।
आफैंमा सक्षम, चेतनशील र योग्य युवालाई कोही कसैले कुनै पनि रुपमा प्रभावित, आर्कषित वा असर पार्न सक्दैनन् । यसकारण, स्वविवेकको प्रयोग गरि सबैलाई गरिएको आग्रह हो यो । हेमकर्ण पौडेल आफैंमा एक युवा शक्ती हुन्, उर्जा हुन् । यिनले युवालाई दिएका भनेको राजनीतिक प्रेरणा हो ।
यिनको गुणगाण गाईएको होईन, नगर प्रमुख हुनुका कारण यिनलाई हाम्रो नगर बनाउन सहयोग र साथ दिऊ भनिएको हो ।
हेमकर्णको चर्चा र प्रशंसा भईरहदाँ कोही आतिनु, डराउनु वा जल्न जरुरी पनि छैन् न नै नगर प्रमुखको जिम्मेवारी निभाईरहेका यिनी फुर्किनु पनि पर्दैन् । आम नागरिकले राखेका यो धारणाबाट बरु प्रेरित भई, उर्जा प्राप्त गरि नगर प्रमुख हेमकर्ण पौडेल अझ जुझारु रुपमा, अझ सशक्त भई र थप क्रियाशिलताका साथ इटहरी बनाउन लाग्नु पर्दछ । शुभकामना ।
फड्कोः अग्रगामी प्रगतिशील परिवर्तन ।
