पछिल्लो कालमा विभिन्न चरण र कार्यक्रममा गरेर दश लाख बढी आर्थिक सहयोग गरिसकेको मञ्चले भविष्य कार्ययोजना अनुसार थप सहयोग गर्ने
तरहरा । हङकङ तरहरा मञ्च, साबिकको हङकङ तरहरा हाँसपोसा मञ्च, का अध्यक्ष कालसिं राईलाई दोहोराउदै मञ्चले नयाँ कार्य समिति गठन गरेको छ । हङकङमा बसेर मातृभूमिका लागि सामाजिक, शिक्षा, स्वास्थ्य, खेलकुद लगायतका क्षेत्रमा आर्थिक सहयोग गर्दै आएको मञ्चले आपतकालिन र दैवीप्रकोप लगयातका बेला समेत ठूलो रकममा नेपालका लागि, विशेषगरि, इटहरी ९त्यसमा पनि तरहरा क्षेत्र० का लागि सहयोग गर्दै आएको छ । पछिल्लो कालमा विभिन्न चरण र कार्यक्रममा गरेर दश लाख बढी आर्थिक सहयोग गरिसकेको मञ्चले भविष्य कार्ययोजना अनुसार थप सहयोग गर्ने बताएको छ । मञ्चका सचिव किरण तामाङ (भक्त) को सहयोगमा तरहराबाट सोल्टी टिभीले तयार पारेको यो रिर्पोट ः
यसअघिका सचिव किरण तामाङ ९भक्त० उपाध्यक्ष हुदै गर्दा सचिवमा राम प्रसाद राई, सह सचिवमा अस्मित राई, कोषाध्यक्षमा मिरा कार्की र सह कोषाध्यक्षमा सञ्जीव राई सर्वसम्मत चयन भएका छन् । त्यसैगरि, सदस्यहरुमा हेमन्त राई, मकर राई, युवराज मगर, जानुका वन, दुर्गा राई, विजय राज पूरी, चन्द्र लिम्बू, सुजिन गुरुङ र अमृता लिम्बू चयन भएका छन् ।
निर्वाचित भएपछि सोल्टी टिभीसँग अनलाइन बोल्दै अध्यक्ष राईले विदेशमा तरहराका परिवारलाई एकिकृत बनाउन र आपसी प्रेम, सद्भाव र सहयोग कायम गर्न मञ्चले काम गर्ने बताए । उनले यहीँ मञ्चले तरहरालाई प्रगतिशील फड्को मार्नका लागि आर्थिकदेखि आवश्यक सबै उचित सहयोग गर्ने पनि प्रतिबद्धता दोहोराए । अध्यक्षमा दोहोरिने चाहना नभए पनि अधिवेशनको माहोलले आग्रह गरेपछि यसपटकका लागि दोहोरिए पनि आगामी कार्यकालमा नयाँ नेतृत्व तयारी गर्ने बताए ।
कार्यक्रमका अतिथि समेत रहेका हङकङ धरान मञ्चका पूर्वाध्यक्ष विष्णु पाख्रिने निर्वाचन समितिका संयोजक थिए भने सुनुवार समाजका पूर्वाअध्यक्ष गौरव सुनवर र तरहरा निवासी युवा व्यवसायी बालकुमार गुरुङ सदस्य रहेका थिए ।
प्रमुख आतिथ्य ग्रहण गरेका धरान हङकङ मञ्चका अध्यक्ष रुकमाण लिम्बुले एकै ठाँऊका समाज गठन हुनुले भावनात्मक प्रेम, सद्भाव र आदरसम्मान बढ्नेदेखि एकआपसमा सहयोग आदानप्रदान समेत हुने जिकिर गरे ।
त्यस्तै, कार्यक्रमका विशिष्ट अतिथि रहेका कांग्रेस सुनसरी क्षेत्र नं। २ का क्षेत्रीय सभापति एवम् लिवरल सोसाईटीका अध्यक्ष सुबेच्छु देवान राईले हङकङ तरहरा मञ्चले आफ्नो गाँऊ तरहरामा गरेको योगदान उल्लेखनीय भएको प्रशंसा गर्दै समाजले मञ्चको उच्च मुल्यकांन गरेको बताए ।
कार्यक्रममा नुमाफुङ चलचित्रका नायक रमेश सिंगक, हङकङ मञ्चका पूर्वाअध्यक्ष नानीचन्द्र लिम्बु, अग्रज फोटोग्राफर मात्रदिप राई र जेष्ठ नागरिक एवम् मञ्भका अभिभावक ज्ञानुकुमारी गुरूङ लगयातका सामाजिक व्यक्तित्वहरुको उपस्थीति रहेको थियो ।
कार्यक्रम याक र यति रेस्टुरेन्ट, जोर्डनमा सम्पन्न भएको थियो ।
