राष्ट्रिय स्वतन्त्र पार्टीको थारु समुदायबाट समानुपातिक सासंद निर्वाचित अशोक कुमार चौधरीले प्रदेश १ इटहरीको अस्पताल बारे जोडदार आवाज उठाएका छन् । १५ शैयाको अस्पतालमा भएका एकजना एमडिजिपी डाक्टरलाई पनि काठमाण्डौं वीर अस्पतालमा काग सरुवा पठाएर इटहरी अस्पताल चै खाली बनाएको २७औं दिन भईसकेको भन्दै स्वास्थ्य मन्त्रालयको ध्यानाकर्षण गराएका छन् ।
शून्य समयमा बोल्दै चौधरीले दैनिक पाँच सय बढी विरामी बहिरंग र आकस्मिक सेवा दिने अस्पतालको पछिल्लो अवस्था बारे सम्बन्धित मन्त्रालयको ध्यानाकर्षण गराएका हुन् । उनले आफु सो क्षेत्रको प्रतिनिधित्व गर्ने भएकोले सो बारे ध्यानाकर्षण गराउदाँ समेत स्वास्थ्य मन्त्रालयका सचिवले डाक्टर पठाउन आनाकानी गर्ने, ढिलासुस्ती गर्ने, लापारबाही गर्ने र मन्त्रीको निर्देशन समेत नटेरेको बताएका छन् । सचिवकै कारण इटहरीका साढे दुई लाख जनता सरकारी अस्पतालको उपचारबाट बञ्चित हुनु परेको भन्दै सासंद चौंधरी इटहरी अस्पतालमा यथाशिघ्र एमडिजिपी डाक्टर पठाउनका लागि सभामुख मार्फत ध्यानाकर्षण गराएका छ् ।
हिजो राती गोर्खा खबर डट कम र सोल्टी टिभीसँग अनलाइन कुराकानी गर्दै सासंद चौधरीले स्वास्थ्य क्षेत्रका लागि राज्यले लगानी अभिवृद्धि गर्दै राष्ट्रिय आवश्यकता अनुसार स्वास्थ्य क्षेत्रको विकास गर्दै सो क्षेत्रको नियमनलाई चुस्त बनाउन, व्यवस्थित गर्न र गुणस्तर, व्यावसायिकता र संस्थागत जवाफदेहीमा ध्यान दिनुपर्ने बताउनुभएको छ ।
