तरहरा । तरहरा चोकको गोसखान र भिजन मार्ग जोड्ने पुलको अवस्थालाई लिएर सामाजिक संजालमा गुनासो पोखिएपछि वडा कार्यालयले सो पुल निमार्णका लागि बजेट विनियोजन गरिएको दाबी गर्दै तर, पर्याप्त नभएकोले समस्या आएको संक्षिप्त जानकारी गराएको छ । सोही टोलका विवेक पाण्डे र ध्यानाकर्षण :… “उक्त पुल निमार्णका लागि बजेट अपर्याप्त भएपछि जनप्रतिनिधिबाट नै थप आर्थिक संकलन गरि सो पुल निमार्ण कार्य सक्न निमार्ण समितिलाई आग्रह गरियो ।”, बिहान मोबाईल सम्पर्क गर्दै कार्यवहाक वडा अध्यक्ष गुरूङले भने, “पुल निमार्ण कमिटिका सचिव ध्रुव कटुवालसँग यो विषयमा (अपुरो पुल बारे) थप बुझ्न सक्नुहुनेछ ।” उनले समस्या समाधानका लागि र वडाको विकासको लागि आफुहरु (जनप्रतिनिधिहरु) निरन्तर खटिरहेको दाबी पनि गरे । “तपाईले हाम्रो कुरा पनि बुझेर समाचार संम्प्रेषण गरिदिनुभएको भए राम्रौं हुन्थ्यो ।”, उनले आग्रह गरे, “तपाईहरुको ध्यानाकर्षण अत्यन्तै सकारात्मक छ, हामी धन्यवाद दिन चाहान्छौं तर, तस्वीरले गलत म्यासेज जाने प्रति हाम्रो चिन्ता हो ।” उनले सो पुलको काम पुरा गर्नका लागि आफुले तदरुकता देखाउने समेत जानकारी गराए । यसैबिच, पाण्डे र सामाजिक अभियन्ता गुरूङले कार्यवहाक वडा अध्यक्षलाई गुनासो सुनिदिएकोमा धन्यवाद व्यक्त गरेका छन् ।
सडक बाटोभन्दा “पहाड” (ठूलो उकालो, अग्लो) पुल कसरी र के कारण बन्न पुग्यो ? विस्तृत विवरण जानकारी लिएको छैन । तर, पुलछेउ घर भएका स्थानीय व्यवसायी एवम् समाजसेवी आदरणीय जीवन राई दाजुले बताउनुभए अनुसार, निर्माण पूरा गर्न बजेट नहुदाँ यो (यस्तो) अवस्था आएको हो । वडाबाट यो अपुरो निमार्ण कार्यलाई पूरा गर्न/गराउनका विभिन्न कारणले गर्दा अग्रसरता देखाइएको छैन् । यसप्रति दुख व्यक्त गर्दछु ।
यहीँ वडाको हुनुले, एक स्थानीय नेतृत्व, पत्रकार र सामाजिक अभियन्ता हुनुले यसप्रति ध्यानाकर्षण भएको छ ।
आगामी २०८४ को स्थानीय तह सदस्य निर्वाचनमा वडा नं. २० का वडा अध्यक्ष आंकाक्षी भईरहदाँ यो समस्या बारे आफुले प्रभावकारी रूपमा भूमिका खेल्न नसकेकोमा नैतिक रूपमा आफू पनि जिम्मेवार हुने महशुस गरि यस विषयमा कर्तव्यबोध गर्न नसकेकोमा सबसँग क्षमाप्रार्थी छु ।
यहाँ र अन्य ठाउँका समस्या बारे अब वडा कार्यालयलाई मात्र नभई इटहरी उपमहानगरपालिकाको इटहरी कार्यालयमा समेत लिखित र भिडियो देखाएर जानकारी गराउने र काम फत्ते गर्न विनम्र आग्रह (नसुने, दबाब) दिने जानकारी गराउदछु ।
सामाजिक संजाल मार्फत पुन: जानकारी गराइदिने प्रिय मित्र विवेक पाण्डेलाई हार्दिक धन्यवाद । (तस्बिर उहाँकै वालबाट) ।
(आकांक्षी)
वडा अध्यक्ष, इटहरी उपमहानगरपालिका वडा नं. २०
स्थानीय तह सदस्य निर्वाचन २०८४
