उदयपुर । पत्रकार गजेन्द्र राईलाइ प्रहरीले समाचार लेखेकै आधारमा पक्राउ गरेको भन्दै फोनिजसहित विभिन्न पत्रकार संगठनहरुले विनाशर्त रिहाईको लागि माग गर्दै विज्ञप्ती जारी गरेको छ । निगरानीपोष्ट डट कम, अनलाईन पोर्टलमा समाचार लेखेकै आधारमा प्रहरीले उनलाई पक्राउ गरी साइबर क्राइमको मुद्धा चलाएको, बताईएको छ ।
पत्रकार राईलाइ शनिबार रिपोटिङ गरिरहेकै अवस्थामा गार्इघाट बजारबाट प्रहरीले पक्राउ गरेको, बताईएको छ । समाचार र समाचारसँग जोडिएका विषयसँग सम्बन्ध राख्ने विषय हेर्ने निकाय प्रेस काउन्सिल नेपाल हुँदाहुँदै प्रहरीले समाचार लेखेकै आधारमा पत्रकार राईलाई पक्राउ गरी सम्बन्ध नै नराख्ने ‘साइबर क्राइममा मुद्दा चलाउनु प्रेस तथा अभिव्यक्ति स्वतन्त्रतामाथिको प्रहार भएको भन्दै नेपाल पत्रकार महासंघ, नेपाल आदिबासी जनजाति पत्रकार महासंघ (फोनिज), प्रेस सेन्टर, किराँत राई पत्रकार संघ लगायतका संघसंगठनले विज्ञप्ती जारी गर्दै राईको विनाशर्त रिहाईको माग गरि प्रहरी ज्यादतीको भत्र्सना गरेको हो ।
पक्राऊ परेका राई नेपाल पत्रकार महासंघ उदयपुरका निवर्तमान सहसचिव, रेडियो नेपाल उदयपुरका संवाददाता, नेपाल आदिवासी जनजाति पत्रकार महासंघ (फोनिज) को केन्द्रिय सदस्य, नेपाल फोटो पत्रकार महासंघको केन्द्रिय सचिव समेत हुन् ।
पत्रकार राईमाथिको मुद्दा प्रेस काउन्सिल नेपालमार्फत निरुपणका लागि सरोकारवाला निकायसँग उनीहरुले माग गरेको छन् ।
