तरहरा (इटहरी), सुनसरी । निर्वाचन आयोगको अनुसार, भोलि मंसिर ४ गते हुने निर्वाचनमा प्रतिनिधिसभाका २७५ र प्रदेशसभाका ५५० सदस्य चयनका लागि मतदान हुदैछ ।
यसका लागि देशभर १ करोड ७९ लाख ८८ हजार ५७० मतदाता रहेको, जनाईएको छ ।
विहान ७ बजेदेखि बेलुकी ५ बजेसम्म मतदान हुनेछ ।
मतदाता परिचयपत्रको विकल्प
प्रतिनिधिसभा र प्रदेशसभा सदस्य निर्वाचनमा निर्वाचन आयोगबाट जारी मतदाता परिचयपत्रको विकल्पमा अन्य पाँच प्रकारका सरकारी परिचयपत्रको सक्कलका आधारमा मतदान गर्न सकिने व्यवस्था गरिएको छ।
मतदानका लागि आयोगबाट जारी मतदाता परिचयपत्र, नेपाली नागरिकताको प्रमाणपत्र, राष्ट्रिय परिचयपत्र, जग्गाधनी प्रमाणपुर्जा, राहदानी र सवारी चालक अनुमतिपत्रको सक्कलप्रति आवश्यक पर्ने आयोगले जनाएको छ।
