तरहरा । इटहरी उपमहानगरपालिका वडा नं. २० तरहरा बजार, पुरानो चौकीसँगै रहेको तारकेश्वर शिवालय मन्दिरको व्यवस्थापन “गंजागोल” रहेको, बुझिएको छ ।
यहीँ बिच भोलि (कार्तिक २७ गते आईतबार) व्यवस्थापन समितिको साधारण सभा तथा अधिवेशन गरेर नयाँ कार्य समिति गठनको भित्री तयारी गरिरहेको, बुझिएको छ । स्रोतका अनुसार, एक पक्ष चुनावअघि र अर्को पक्ष चुनावपछि नयाँ कार्यसमितिलाई जिम्मेवारी हस्तान्तरण गर्ने रणनीतिमा छन् ।
आर्थिक प्रतिवेदन र हालसम्मको विस्तृत प्रतिवेदन पेश नगरि नयाँ कार्य समितिलाई जिम्मेवारी दिने भन्ने दाऊ एक पक्षको छ ।, मन्दिर व्यवस्थापन समितिभित्रकै एक स्रोतले अघि साँझ सोल्टी टिभीसँग भन्यो, अर्को पक्ष भने भोलि (आईतबार) कार्यक्रम स्थगन गरेर चुनावपछि तारकेश्वरको अधिवेशन गर्न चाहान्छ ।
सुत्रका अनुसार, एक पक्ष यादव घिमिरे वा, भक्त बहादुर कटुवललाई अध्यक्ष बनाउन चाहान्छन् भने राजन न्यौपानेको पनि नाम सुनिएको, बुझिएको छ । हालका कार्य समितिका सचिव गोविन्द कोइरालले भने इच्छा नगरेको, बुझिएको छ ।
स्थानीय टोल समितिबाटै अध्यक्ष बनाउने पक्षमा पनि स्थानीय टोल समिति रहेको, बुझिएको छ । उनीहरु व्यवस्थापन समितिले आर्थिक प्रतिवेदन प्रस्तुत गर्नु पर्ने पक्षमा छन् ।
मन्दिरका पुजारीलाई मासिक ८ हजार तिरे पनि अन्य आम्दानी कहाँ गयो ? भन्ने केही असन्तुष्ठ पक्षको प्रश्न छ ।
मन्दिर व्यवस्थापन समिति बनाउदाँ समावेशी नबनाईएको भन्दै केही वर्षअघि स्थानीय सञ्चारकर्मी एवम् सामाजिक अभियन्ता नवीन गुरूङ (सोल्टी) ले आवाज उठाएको थियो । व्यवस्थापनले महायज्ञ पनि हचुवाको भरमा गर्दा कबुलेको दान अझ प्राप्त नभएको, कार्य समितिकै एक असन्तुष्ठले सोल्टी टिभीलाई बताए ।
साधारण सभामा आजीवन सदस्यलाई मात्र पत्र काटिएको जस्तै गरि निमन्त्रणा पत्र छपाईएको छ ।
अनौंपचारिक बाहेक स्थानीय पत्रकारलाई आईतबारको कार्यक्रम बारे पत्र पठाएर औपचारिक जानकारी गराईएको छैन्, न समाचारका लागि निमन्त्रणा गरिएको छ ।
Photo Source- https://mapio.net
