धिरेन्द्र कुमार चौधरी । रामधुनी
आउदो मङ्सिर ४ गते हुने प्रतिनिधि र प्रदेश सभा निर्वाचनमा आफ्ना पक्षमा मतमाग्न दलगत र स्वतन्त्र उम्मेदवारहरु घरदैलो र कोणसभामा ब्यस्त रहेका छन् । चुनावी माहौलले गर्दा गाउ, शहर , बजारमा विभिन्न पाटिको झण्डा सडक बाटो छेउमा झुण्डयाइएको छ ।
खास गरी सिटी सफारीमा पाटीको झण्डा र माइक राखी विभिन्न दल तथा स्वतन्त्र उम्मेदवारहरु प्रचारप्रसारमा लागी परेका छन् ।
शनिबार रामधुनिको झुम्कामा प्रतिनिधि सभा सुनसरी निर्वाचन क्षेत्र न. २ का प्रत्यक्ष तर्फका उम्मेदवार सिताराम मेहता, त्यसैगरी लोकतान्त्रिक बाम गठबन्धन बाट माओबादी केन्द्रका तर्फबाट सुनसरी जिल्ला निर्वाचन क्षेत्र न. २ ( १ ) प्रदेश सभका प्रत्यक्ष तर्फका उम्मेदवार रहनुभएका द्वारीकलाल चौधरीले कोणसभामा सम्बोधन गर्नुभएको थियो ।
सभामा बक्ताहरुले संविधानको रक्षा , बिकास र सुशासनका लागी लोकतान्त्रिक बाम गठबन्धनलाइ मतदान गरीदिनुहुन मतदातालाइ आग्रह गर्नुभयो ।
कोणसभामा समानुपातिक तर्फका उम्मेदवार र कार्यकर्ताहरुको सहभागीता रहेको थियो । यसैगरी आजै रामधुनीको झुम्कामा सुनसरी बाट प्रदेश सभामा निर्वाचन क्षेत्र २ (१ ) का प्रत्यक्ष स्वतन्त्र उम्मेदवार जेब्रा चुनाब चिन्ह रहेका यादव पौडेल एक्लै ठाउ ठाउमा पाटीको सिण्डिकेट तोडौ स्वतन्त्र उम्मेदवारलाइ मतदान गर्नुपर्ने धारणा राख्दै ठाउ ठाउमा भाषण गर्नुभयो ।
