परापुर्वमा थारु तराइमा राजा थिए : द्वारीकलाल चौधरी
धिरेन्द्र कुमार चौधरी । रामधुनी :
थारु समुदायको सास्कृतिक भुमी ग्राम थान अतिक्रमणमा पर्दै गएकोले संकटमा रहेको सरोकारबालाहरुले बताएका छ्न ।
शनिबार रामधुनी नपा : ३ मा रहेको सौनधामी ग्राम थानको आयोजनामा यहा दिपाबली तथा छठ पर्वको अबसरमा शुभकामना आदानप्रदान कार्यक्रममा पर्वको स्वागत गर्दै बक्ताहरुले ग्राम थान संकटमा रहेको बताएका हुन । कार्यक्रममा प्रमुख अतिथी इटहरी उपमहानगरपालिकाका पुर्व नगरप्रमुख द्वारीकलाल चौधरी थिए ।
प्रमुख अतिथी चौधरीले प्राकृतिक सम्पती थारु समुदायले संरक्षण गर्दै आएको चर्चा गर्दै थारु समुदायको देवस्थल, पोखरी, गौचरन संकट रहेकोले यसको संरक्षण गर्न आबश्यक रहेको जोड दिनुभयो । वहाँले राणाकालमा थारुलाइ पढ्न दिदैन्थ्यो, अन्य समुदाय भारत पढ्न जाने गरेको बताउदै यि समुदायमा ब्यापारीक र शैक्षिक, राजनीतिक क्षेत्रमा सचेतना हुनु आबस्यक रहेको चर्चा गर्नुभयो ।
बिगतदेखी कृषि पेशामा मात्र सिमित रहेको थारु अन्य पेशा आय आर्जनका लागी लाग्नुपर्ने चौधरीले भन्नुभयो ।
ठाउ अनुसार थारु जातिको भाषा फरक रहेकोले यि समुदाय हिन्दु हो कि बौद्ध यो बिषयमा र ग्राम थानमा बौद्धिक बर्गले खोज अनुसन्धान गर्न आबस्यक रहेको बताउनुभयो ।
थारुको बस्तिमा ग्राम थान रहेको हुन्छ, पुर्वकालमा थारुको जिवन संकट परेको अबस्थामा धामी महाराजले जिवन रक्षा गर्ने गरेको इतिहास बताउदै औलो रोग र महामारी बाट बचेर यस ठाउमा थारुको बसोबास रहेको बताउनुभयो । प्रमुख अतिथी चौधरीले बेलायतका नागरिक टोन भेगनले द्वारा लिखित किताबको चर्चा गर्दै उक्त किताबमा ” थारु इज द किङ अफ तराई ” लेखिएको बताउनुभयो ।
किताबमा प्राण घातक रोग संग संघर्ष गर्दै थारु समुदायमा एन्टी बडीको निर्माण भएको चर्चा गरीएको उल्लेख गरीएको छ । आयोजक सस्थाकी कोषाध्यक्ष बिष्णु चौधरीले यहाको ग्राम थान संरक्षण गर्न समस्या भैरहेको बताइन ।
ग्राम थान छेउमा घर रहेको छिमेकीले थानको जग्गामा घर बनाएको जानकारी दिइन ।
कार्यक्रममा ग्राम थान संरक्षण समिति सुनसरीका अध्यक्ष तेज नारायण चौधरीले ग्राम थान संगै सास्कृतिक भुमी जोडिएको बताउदै भौतिक रुपमा केहि ठाउमा संरक्षन भएतापनी सास्कृतिक रूपमा समाप्त हुन लागेको बिचार राख्नुभयो ।
वहाँले ठाउ अनुसार थारुको गाउमा सौनधामी, बिच्छुधामी, राजाजी थान रहेको चर्चा गर्दै थान लाइ संरक्षित गरी राख्ने गहदार , प्रथा जनित कानुन उपेक्षित रहेको चर्चा गर्नुभयो ।
थारु महिला उत्थान समाजकी अध्यक्ष सिता चौधरीले यि समुदायको जन्मदेखी मृत्यु सम्म ग्राम थानमा सस्कार सस्कृती जोडिएको बताइन ।
स्थानीय डेबिट बिष्ले सबै समुदायको भाषा सस्कृती संरक्षण हुनुपर्ने जोड दिनुभयो । सो कार्यक्रम आयोजक सस्थाका गहदार बसन्त चौधरीको सभा अध्यक्षतामा कार्यक्रम सम्पन्न भएको थियो ।
कार्यक्रममा थारु कानुन ब्यबसाय सभाका केन्द्रिय अध्यक्ष रामराज चौधरी लगायत विभिन्न संघ सस्थाका प्रतिनिधिहरुको सहभागीता रहेको थियो । कार्यक्रममा सास्कृतिक कार्यक्रम प्रस्तुत गरीएको थियो ।
