जमुना श्रेष्ठ । धरान
पूर्वी नेपालको आदिवासी बाहुल्यता रहेको सहर सुनसरीको धरानमा २८ औ विश्व आदिवासी दिवस भव्य र सभ्य रुपमा सम्पन्न भएको छ । सांस्कृतिक झाकीसहितको ¥याली र विशाल आमसभा गरेर आदिवासी जनजातिको अधिकारको वहस भएको छ ।
नेपाल आदिवासी जनजाति महासंघ नगर समन्वय परिषद धरानको आयोजनामा भएको कार्यक्रममा धरानका तीन व्यक्तित्वहरुलाई सम्मान गरिएको छ । बीसौ बर्षदेखि धरानमा क्रियाशील पत्रकार प्रबोध साप्ताहिक पत्रिकाका सम्पादक लम्जेल सङ्घर्षशील, आदिवासी अभियान्ता तथा चिसेफायु मिडियाका सञ्चारकर्मी निमा पोङ्स्युवा र अन्तर्राष्ट्रिय कराँते खेलाडी किरण लामालाई सम्मान गरिएको छ ।
कार्यक्रममा लम्जेल सङ्घर्षशील र निमा पोङ्स्युवालाई आदिवासीको निरन्तर सुचना समाचार सम्प्रेषण गरेर योगदान पु¥याएकाले सम्मान गरेको हो । कराँते खेलाडी लामाले खेलकुद क्षेत्रबाट आदिवासीको शिर उच्च राखेकाले सम्मान गरिएको बताइएको छ । महासंघका धरान अध्यक्ष सुवाष हुक्पाचोङवाङले खदा लगाएर र धरान उपमहानगरपालिकाका प्रमुख कार्यक्रमका प्रमुख अतिथि हर्कराज राईले सम्मान पत्र प्रदान गरेर विशाल आमसभाबीचमा सम्मान गरिएको छ ।
