इटहरी उपमहानगरपालिका वडा नं. १ का रतन कार्की (कैलाश) जननिर्वाचित वडा अध्यक्ष हुन् । यहाँ म एउटा रतन कार्की (कैलाश) बारे बोलिरहेका छैन् । हाम्रा उपमहानगरका एक वडा अध्यक्ष र देश र समाज बनाउने भोलिका सम्भावना बारे बोल्दैछु ।
बुधबार उवासंघ (उद्योग वाणिज्य संघ) तरहरा शाखाका पदस्थापना कार्यक्रमका उद्घोषक निवर्तमान सचिव प्रिय मित्र प्रदिप केःशीले नेपाल प्रेस युनियनका प्रदेश सचिव धन बहादुर पुरीलाई सुनसरी जिल्लाको सचिव बनाईदिए (पछि सच्याए) । पुरी युनियनका पूर्व सुनसरी अध्यक्ष चै हुन् ।
नेपाल रेड्क्रस सोसाईटीका नवनिर्वाचित अध्यक्ष सुमन दाहाललाई गिरी बनाईदिए (पछि सच्याए) ।
कार्यक्रम संचालन गर्ने क्रममा प्रदिप केःशी जस्ता होनाहार, डायनामिक, शिक्षित, बौद्धिक र परिपक्क युवाहरुबाट पनि अन्जानमा/भूलवस केही क्रुटीहरु हुनसक्ने रहेछन् ! भन्ने प्रमाण मात्र हो; प्रदिपजीबाट नियोजित रुपमा नभई कार्यक्रम बारे पूर्व र पूर्ण तयारी नभएकोले यस्ता कमजोरी वा, स्लिप अफ टंग (जनबोलिमा, जिब्रो चिप्लिएको) भएको हुनसक्छन् !
प्रदिपजीले तत्काल सच्याएर क्षमायाचना गरिसकेको अवस्थामा नियतवस् नभई प्राविधिक रुपमा भएका क्रुटी वा कमजोरीलाई इष्यू (मुद्धा) बनाईए, त्यो प्रदिपजीमाथिको पूर्वाग्रही र दोषारोपण रिस पोखिएको हुनेछ । प्रदिपजी जस्ता बौद्धिक, विवेकी र शिक्षित युवामाथि यी विषयमा कुनै प्रहार भए, त्यो प्रहार सम्पूर्ण हामी युवामाथिको प्रहार हुनेछ ।
डायनामिक र नम्र प्रदिपजीले उद्घोषणका क्रममा (यद्यपी, उनले आफूलाई कार्यक्रम प्रस्तोता भनेका थिए ।) आफ्ना कमजोरी हुदाँ सच्याए, त्यो नै हो उनी शिक्षित र विवेकी भएको प्रमाण हो । तर, र्दुभाग्य कार्यक्रममा भएको सबैभन्दा ‘ब्लण्डर’ (मिस्टेक) यानी महागल्ती चै कसले सच्याउने ? यो सामान्य पनि होईन् है, गम्भीरतापूर्वक ध्यान दिनैपर्छ ।
विशिष्ट अतिथिका रुपमा आसनग्रहण गराईएका वडा नं. १, १९ र २० का वडाअध्यक्षहरुमध्ये, दुईजनालाई चै मन्तव्य राख्न दिएर, वडा नं. १ का जननिर्वाचित वडाअध्यक्ष रतन कार्की (कैलाश) लाई चै किन छुटाईयो ? जननिर्वाचितको पदीय गरिमामाथिको यो विभेद/भेद्भाव हो ? कि, क्रुटी ? विभेद्/भेद्भाव हो भने, यसको म, युवा र सामाजिक अभियन्ता भएकोले, अत्यन्तै कडा रुपमा भत्र्सना र विरोध गर्दछु; यदि प्राविधिक क्रुटी भनिन्छ भने, यसमा पनि म कडा आपत्ती जनाउछु ।
उवासंघ जस्तो जिम्मेवार संस्थाले जननिर्वाचित वडाअध्यक्ष ज्यूहरुलाई निमन्त्रणा गरेर उहाँहरुलाई व्यक्तिगत र पदीय हिसाबले ‘असहज’ हुने र गरिमामाथि चोट पुग्ने यस किसिमका ब्लण्डर (मिस्टेक), महागल्ती, गर्ने छुट छैन् ।
एकै वडाबाट दुईजना जनप्रतिनिधिलाई मन्तव्य राख्न दिने, वडा नं. १९ का वडाअध्यक्षलाई पनि मन्तव्य राख्न दिने तर, वडा नं. १ का जननिर्वाचित युवा वडाअध्यक्ष ज्यूलाई चै किन ? के कारण ? मन्तव्य राख्न दिईएन् ? अब उवासंघ, तरहरा शाखाले कुनै बहाना खोज्ने काम वा, यो या त्यो कारण नभन्नु होला ।
अध्यक्ष आदरणीय सुदर्शन खड्का नैतिक रुपमा यसमा जिम्मेवार त छन् तर, “विचरो” ! उनी कार्यक्रमको सम्पूर्ण व्यवस्थापनमा व्यस्त रहेकाले कार्यक्रमको स्केड्यूल (कार्यक्रम तालिका) बनाउने क्रममा उनी प्रत्यक्ष सहभागि हुनेभन्दा अरुलाई नै जिम्मा दिएको देखिन्छ ।
नियत वा जुनसुकै कारणले गरिएको होस्, वडा नं. १ का वडाअध्यक्षमाथिको गरिमामा पुगेको चोटको विषयमा संस्थागत माफी माग्नु पर्दछ । उवासंघ, तरहरा शाखाको समेत गरिमा गिराउनेमाथि पनि अध्यक्ष सुदर्शन सचेत र सजग हुनुपर्दछ ।
यो सामान्य विषय होईन, वडा अध्यक्ष कार्कीमाथिको यो प्रहार भोली हामी कुनै पनि युवामाथि पनि हुनसक्छन् ! यसकारण बोल्नु पर्छ । भ्वाइस रेस (आवाज उठाउनु) पर्दछ । उवासंघले होईन, सबैले बुझ्नु पर्दछ रतन कार्की (कैलाश) पनि वडा नं. १९ र २० का जस्तै जननिर्वाचित वडा अध्यक्ष हुन् । भोलिका सम्भावन पनि । सजिलै मानमर्दन र गरिमामा ठेस पुग्ने काम गर्न दिनुहुन्न ।
व्यक्तिगत रुपमा र वडा नं. २० तरहराका तर्फबाट मैले मोबाईल सम्पर्क गरि वडा अध्यक्ष रतन कार्की (कैलाश) सँग माफी मागिसकेको छु उवासंघ, तरहरा शाखाको महागल्ती प्रति । कार्कीले असहजता महशुष गरे पनि घट्नालाई सामान्य रुपमा लिएको बताउनुभएको छ । तर, म लज्जित छु । उवासंघ,तरहरा शाखाको सदस्यता नलिएको भए पनि म यस क्षेत्रको भूमिपुत्र, सचेत नागरिक र एक युवा हु, कसैबाट गल्ती हुनु भनेको नैतिक रुपमा हामी पनि दोषी हुनु हो । हाम्राबाट भएका कमीकमजोरी र गल्तीहरुका लागि हामी पनि भागिदार छौं । म सच्चिन चाहान्छु, म सच्याउन चाहान्छु । हेरौं के गर्छन् अध्यक्ष सुदर्शन र उवासंघ, तरहरा शाखाले !
नवीन गुरुङ #(बोलौं/आवाज उठाऊ)
Let’s VOICE
