इटहरीमा २५० सहित देशैभर १४ हजार वल्डलिकंको फ्रि वाइफाइ

तरहरा । सामाजिका उत्तरदायित्व र संस्थागत जिम्मेवारी निभाउदै प्रदेश १ सुनसरीको इटहरी उपमहानगरपालिकाका विभिन्न २५० प्रमुख स्थानहरुमासहित देशैभर १४ हजार मुख्य स्थलहरुमा इन्टरनेट सेवा प्रदान गर्दै इन्टरनेट सेवा प्रदायक संस्था वल्डलिकंले नागरिकलाई इन्टरनेट सेवा उपलब्ध गराईरहेको छ । फ्रि वाइफाइ पाएसँगै नागरिक यो डिजिटिल युगमा इन्टरनेटबाट बञ्चित हुनु पर्ने अवस्थाबाट मुक्त भएका छन् । अब प्रायः सार्वजनिक स्थलहरुमा वल्डलिकंको निःशुल्क इन्टरनेट सेवा तपाईले पाउनुहुनेछ ।

इटहरी उप महानगरपालिकामा भित्रका बजार क्षेत्रसहित इटहरी इलाका प्रहरी कार्यलय, यातायात व्यवस्था कार्यालय (लाइसेन्स), बालग्राम चोक, खनार, तरहरा चोक, हवाइचोक, फुलबारी टोल, बसपार्क, मझेरी, इपिल्यान्ड, दुलारी र विभिन्न बैकंहरुमा पनि यो सेवा उपलब्ध भईसकेको र केहीमा हुने क्रममा रहेको, वडलिकं, इटहरीका सेल्स सुपरभाइजर गौतम गुरुङले जनकारी दिएका छन् ।

यस्तै वल्डलिंकले इटहरीमा २५० भन्दा बढि स्थानहरुमा र नेपाल भरी १४००० हजार भन्दा बढि स्थानमा निःशुल्क वाइफाइका साथै हटस्पट मार्फत निःशुल्क सेवा दिदै आएको जनाएको छ । यस्तै वल्डलिकंका ग्राहकहरुले माइ वल्डलिकं र एसएस आइसिडिमा कनेकट गरेर अनलिमिटेड चलाउन सक्ने सेवा समेत उपलब्ध गराएको छ । अन्य प्रयोगकर्ताले भने दैनिक ९० मिनेट निःशुल्क चलाउन सक्नेछन् । वल्डलिकंले मोविलिटिको सुविधा समेत प्रयोग गर्ने र ग्राहकहरुले डाटामा खर्च गर्न नपर्ने बताएको छ । यी सेवाहरु उच्च गतिमा चलाउन सक्ने वल्डलिकंले दाबि गरेको छ ।

वल्डलिकिंका ग्राहकहरुले माइवल्डलिकं वाइफइ हडस्पट मार्फत आफ्नो मोबाइलफोनमा युजर नेम र एकाउन्टको पासपोर्ट राखेर कनेक्ट गर्न सक्ने छन् भने अन्य प्रयोगकर्ताले फ्रि वल्डलिकं वाइफाइमा मोबाइल नम्बर रजिस्टर गरेर कनेकट गर्नु पर्ने वल्डलिकंका म्यानेजर टिका राम सुवेदी जानकारी गराएका छन् ।