किन भने टिकादत्तले यस्तो ?
तरहरा (इटहरी) । स्थानीय तहको निर्वाचनमा इटहरी उपमहानगरपालिका वडा नम्वर २० मा नेपाली कांग्रेसका उम्मेदवार विरुद्ध कमजोर प्रतिद्वन्द्वीहरु हुँदा पनि प्रतिस्पर्धा भने अझै कडा हुने स्थानीय कांग्रेसी नेताले पक्षेपण गरेका छन् । यसपटक अन्य दलसँग गठबन्धन र एमाले एक्लै भएता पनि प्रतिस्पर्धा भने कडा हुने तर, जित चै कांग्रेसकै हुने, ति नेताले सोमबार बिहान गोर्खा खबर/सोल्टी टिभीसँग मोबाईलमा कुराकानी गर्दै जिकिर गरेका छन् ।
‘(एमालेसँग) कडा प्रतिष्पर्धा भए पनि अन्ततः कांग्रेसले नै जित्छ ।’, वडा नंम्वर २० मा कांग्रेसबाट वडा सदस्यका निम्ति आंकाक्ष प्रकट गरे पनि टिकट नपाएका टिकदत्त वनले भने, ‘प्रतिष्पर्धा कमजोर प्रतिद्वन्दीसँग छ । यसकारण जित्छ ।’
कांग्रेसले जित्ने जिकिर गरे पनि प्रतिष्पर्धा कडा हुने उनको जिकिर थियो । गठबन्धनको साथ, त्यसमाथि आफै प्रतिद्वन्दी कमजोर रहेको बताईरहेका टिकादत्तलाई हामीले सोध्यौं, यस्तो अवस्थामा प्रतिष्पर्धा कसरी कडा हुन्छ ? उनको जवाफ थियो, हिजो जस्तो आज कांग्रेसमा उत्साह छैन । यसकारण, सहजै जित नभई कडा प्रतिष्पर्धा हुन्छ । उनीसँगको मोबाईल रेकर्ड सुरक्षित छ ।
उनले आफु जस्तो योग्यलाई वडा नंम्वर २० का कांग्रेसले नचिन्नु दुखद् भएको गुनासो पोखे ।
‘मभित्रको क्षमतालाई २० नंम्वर (वडा) को कांग्रेसले पहिचान गर्न सकेको छैन ।’, टिकादत्तको कथन थियो, ‘पार्टीले न्याय गरेर टिकट दिएको थियो भने वडा नंम्वर २० मा उपमहानगरपालिकाको बजेटबाट मात्र होईन, बाहिरी श्रोतहरुबाट पनि वडाको विकास र सम्बृद्धिका लागि पहल गरिन्थ्यो ।’ उनले आफु वडा अध्यक्षकै लागि योग्य भए पनि जिल्ला समन्वय समिति सदस्य आफ्नो लक्ष्य भएकोले वडा सदस्यमा पार्टीभित्र आकांक्ष व्यक्त गरेको बताए ।
नेपाल सरकारले स्थानीय तह निर्वाचन ऐन २०७३ र नियमावली २०७३ जारी गरी ७४४ स्थानीय तह (गाउँपालिका र नगरपालिका) पुनर्संरचना पारित भई राजपत्रमा प्रकाशन भएसँगै साविक जिल्ला विकास समितिहरूलाई स्थानीय तहको समन्वय गर्न स्थानीय विकास मन्त्रालयको भूमिकामा जिल्ला समन्वय समिति गठन गर्ने व्यवस्था गरेको छ । स्थानीय तह निर्वाचन सम्पन्न भएर सबै निर्वाचितहरूले सपथ लिएपछि जिल्ला समन्वय समितिको प्रक्रिया सुरू हुनेछ । त्यस समितिमा प्रमुख र उपप्रमुख सहित ९ सदस्य निर्वाचित हुन्छन् । सोही समितिको सदस्य पद ताक्न उनले वडा अध्यक्षको लागि आफु योग्य हुदाँहुदै वडा सदस्यमा आकांक्ष देखाएको, तर्क गरे ।
टिकट नपाएपछि तुष पोखेको आरोपमाथि पनि उनले असन्तुष्टिको बावजूद पनि कांग्रेसको निर्णय प्रति बफदार रहेको भन्दै उनले आफूले सामाजिक संजाल मार्फत कुनै व्यक्ति विशेषलाई नभई आम नेपाली कांग्रेसको प्रवृति सच्याउन जरुरी रहेको भनि टिप्पणी गरेको बताए ।
कांग्रेसभित्र टिकादत्त पार्टी सभापति हेमकर्ण पौड्याल पक्षधर मानिन्छन् ।
