विश्व थाकिसकेको अवस्थामा पनि “नगरकी नायक” बनिएर अविचलित र अविराम यात्रामा हिडिरहेकी नगर उप प्रमुख लक्ष्मी गौंतमको द्रुत गतिविधि र सक्रियताले इटहरी विचलित छैन् । थकान भए पनि जनतालाई सेवा र ढाड्स दिन उपमेयर थाक्दिनन् । कहिले नथाक्ने उपमेयर गौंतम पछिल्लो समय जंगल गएकी छन् । आखिर किन ?
जिल्लाकै सबैभन्दा “चल्तीको शहर” ठप्प हुदाँ कहिले नथाक्ने उपमेयर गौंतम टाइम पासका लागि वा अन्य कारण वन (जंगल) गएकी होईनन् । नेपालमा पाइने जडीबुटी गुर्जोको प्रयोगले रोगसँग लड्ने प्रतिरोध क्षमता बढाउन मद्दत गर्ने आयुर्वेदिक चिकित्सकले बताएपछि उनी पट्यार लाग्दो घाममा पनि आफ्नो जनताका लागि गुर्जोको खोजीमा जंगल गएकी हुन् ।
- सम्बन्धित समाचार
- नथाक्ने उपमेयर !
कोभिड १९ (कोरोना) भाइरसको हालसम्म पनि कुनै उपचार पद्धति विकास भईनसकेकोले परम्परागत औषधीय पद्धति जडीबुटीको उपयोगमा उपमेयर लागेकी हुन् । विज्ञहरूको सुझाब पनि जडीबुटीको उपयोग गर्नुपर्ने भएकोले हाललाई उपमेयरले यो परम्परागत औषधीय पद्धतिलाई अपनाएको र होम आइसोलेसनमा बसेका कोरोना संक्रमितलाई उनीहरुकै घरमा गएर कोरोनाबाट त्रसित नहुनुु, जितिन्छ, आतिनु हुन्न भन्दै मनोवैज्ञानिक रुपमा हौंसला बढाउदै जंगलबाट ल्याएकी गुर्जो दिईरहेकी छिन् ।
इटहरी अस्पतालका आकस्मिक सेवा विभाग प्रमुख राम कुमार धमलाले सोल्टी टिभी र गोर्खा खबरलाई दिएको जानकारी अनुसार आज उनी वडा नंम्वर २० मा रहेका संक्रमितका घरमा गईन् ।
इटहरी २० की ४३ वर्षीय कोरोना संक्रमित एक महिलाले मोबाईलमा दिएकी जानकारी अनुसार, उपमेयरले गुर्जो मात्र दिईनन् । समाज र केही झुण्डले कोरोना संक्रमित भनेर दुरदुर र छिःछि गरेर मनोबल घटाएको र तनाव दिएका बेला उपमेयरले उनको मनोबल बढाउने काम तथा कोरोनासँग आत्माबल दह्रौं बनाएर जितिने भन्दै उनको मनोबल उच्च बनाईदिने काम गरिन् ।
उपमेयरसहित जनप्रतिनिधीलाई उनले धन्यवाद समेत व्यक्त गरिन् ।
होम आइसोलेसनमा रहेका संक्रमितहरुलाई उपमेयरले फलफूल समेत लगिदिने गरेकी छन् ।
जोखिमपूर्ण मानिय पनि संक्रमितसँग आवश्यक सावधानी अपनाएर उपमेयरले भेटीरहेकी छन् । उनले सामाजिक दुरी कायम गर्दै संक्रमितहरुलाई मनोबल बढाउने काम गरेकीमा उच्च प्रशंसा भएको छ ।
गुर्जो
के हो गुर्जो ?
यो एउटा लहरेदार पतझर विरुवा हो। यसको लहरा मोटो र गुदीदार हुन्छ । नेपालमा यो ३००—५०० मिटरसम्मको उचाइमा पूर्वदेखि पश्चिमसम्म पाइन्छ।
गुर्जो ज्वरो, रुघोखोकी र चिसोमा लाग्ने बाथलगायत अन्य अधिक रोगको औषधिका रूपमा प्रयोग गरिन्छ । यसको डाँठ कमलपित्त, दम, खोकी, मधुमेह, पुरानो ज्वरो, डेङ्गी, तथा बाथ आदि रोगहरूमा उपयोग गरिन्छ। यसले रोग प्रतिरोधात्मक क्षमता वृद्धि गर्ने आयुर्वेदका ज्ञाताहरुले बताउने गरेका छन् ।
